الشبح

في اوضه فوق السطح كانت بطلتنا قاعده علي السرير بټعيط وانها اتبهدلت من ساعه ما أبوها وامها اتوفوا وقاعده بتفتكر وهو صاحب البيت إللي كانت ساكنه فيه بيتطردها
فلاش باك
بعد ما دفنت امها وابوها بعد ما عملت العزا في شقتهم ومجاش حد من أهلها لان ابوها وامها ولاد عم واهلهم مكنوش مواقفين علي جوازتهم فقطعهوهم
بعد شهر من وفات أهلها كانت قاعده تفكر هتعمل إيه في حياتها وتصرف علي نفسها إزاي وفكرت تنزل تدور على شغل

وهي قاعده سرحانه لقيت الباب بيخبط عليها قامت فتحت
لاقيت عم عوض صاحب البيت
عوض بضيق إزيك يا ياسمين
ياسمين بأبتسامه حزن الحمدلله يا عم عوض خير
عوض بصراحه بصي بقي يا ست ياسمين أنا بعت الشقه دي علشان آنتي عارفه الظروف مبقتش زي زمان وعايزك تمشي منها علشان المشتري هيجي يشوفها النهارده
ياسمين پصدمه إزاي ده يا عم عوض وأنا هروح فين دلوقتي وإنت عارف ظروفي وبعدين الشقه دي بابا واخدها منك ملك من ساعه متجوز هو وماما فيها
عوض لا يا ختي دي كانت إيجار ومدته خلصت يلا بقي علشان عندي مشاغل
ياسمين بدموع طيب هروح فين طيب وانت معنديش حد
عوض پقسوه وإنا مالي يا اختي تروحي مطرح ما تروحي أنا كمان هشيل همك بعد ساعتين اجي الاقيكي شوفتي حتة تقعدي فيها وتفضي الشقه بالاذن ومشي
ياسمين قفلت الباب وفضلت ټعيط ومتعرفش هتروح فين وهي مالهاش حد الساعتين عدو وهي لسه بټعيط و سرحانه
الباب خبط جامد عليها اتخضت وفتحت لاقيت عم عوض
عوض سبتك ساعتين وأنتي لسه مشوفتيش حاجه والمشتري جي بعد ساعه خش يا واد انت وهو شيل الحاجات دي ارميها بره دخلو الرجاله بتاعته شالو عفش ياسمين يرمو في الشارع وهي قاعده ټعيط وتترجا عوض بس لحد بكره انو يسبها في الشقه بس هو قاسې جدا مرضاش بعد شويه كانت حاجاتها كلها في الشارع والناس ملمومه عليها وهي واقفه ټعيط وهي شايفه حاجتها اترمت في الشارع وذكريات أمها وابوها وعمرها كله راحت في الشقه دي عوض مش هو والرجاله إللي معاه والناس بتدت تمشي وهي قعدت علي كرسي في الشارع وعماله ټعيط راح ليها عم صابر فاتح سوبر ماركت قدام بيتها وطبطب عليها
عم صابر بحنان أهدي يا حبيبتي وبطلي عياط
ياسمين بعياط أبطل إزاي يا عم صابر إنت اترميت في الشارع
عم صابر ابتسم لا يا حبيبتي مترميتيش في الشارع تعالي انا هوديكي تقضي الايام دي في اوضه فوق سطوح في بيتنا انا هكلم صاحب البيت وهو هيوافق أكيد لما يعرف ظروفك كان علي عيني والله اقعدك معايا بس آنتي عارفه عايش أنا وابني بس اقعدي في إلاوضه دي مؤقت لحد ماشوفلك شقه كويسه تقعدي فيها
ياسمين مسحت دموعها بفرح بجد يا عم صابر أنا مش عارفه اقولك ايه تسلملي يا رب بس العفش ده اوديه فين
عم صابر بأبتسامه متقلقيش هخلي العيال إللي عندي ينقلو العفش ده في المخزن عندي ولما ألاقي الشقه وإنتي تشوفيها وعجبتك هبقي انقلك العفش فيها
ياسمين بفرح ربنا يخليك يارب يا عم صابر انا مش عارفه أرد جميلك ده إزاي والله
عم صابر بس يا هبله متقوليش كده انتي زي بنتي يلا لما هدومك دي وتعالي اوديكي الاوضه ولو علي الشغل هنزل معاكي فتحي إبني تتدوري علي شغل
ياسمين ابتسمت كمان ربنا يكرمك يا راجل يا طيب
صاير طبطب عليها وخدها وراحو علي البيت بتاعه إللي في الاوضه وخله الصبيان إللي شغلين معاه ينقلو العفش في المخزن راحت ياسمين مع عم صابر البيت بتاعه وطلعت شافت الاوضه بعد ما عم صابر كلم صاحب البيت ووافق و استريحت نوعا ما أهو أي حاجه تقضي فيها الايام دي قبل ماتشوف الشقه شكرت عم صابر وعم صابر خله شاب من إللي شاغلين معاه جبلها أكل من السوبر ماركت بتاعه وقالها أنا إللي عزمك وهي ابتسمت من طيبته وشكرته وهو قالها بكره هيبعت معاها ابنه ينزل معاها يدورو علي شغل وسابها ومشي وهي بصت لاوضه كانت الاوضه فيها سرير متوسط وحمام ومطبخ صغير وكانت كويسه وفيها تليفزيون صغير غيرت ونامت من كتر التعب في صباح يوم جديد صحيت واستحمت وجهزت ونزلت لاقت فتحي إبن عم صابر مستنيها
سلمت عليه وهو سلم عليها وبعد كده راحو يدورو ليها علي شغل فضلو يدورو لحد ما لاقت في مطعم شهير دخلت للمدير اتقبلت في الشغل وقال هتبدأ من بكره واداها اليونيفورم والمرتب بتاعها هيبقي ألفين جنيه في الشهر وهي كانت فرحانه جدا ومبسوطه من مرتبها وفتحي فرحان عشانها لأنه بيعتبرها اخته وبعدين خدها وراحو يفطرو وروحو قالت لعم صابر وفرح جدا ليها ودعا ربنا يصلح حالها بقت تروح الشغل كل يوم وعم صابر بيدور علي شقه ليها
باك
فاقت ياسمين من سرحانها علي صوت تليفونها لاقيت عم صابر مسحت دموعها وردت
ياسمين
السلام عليكم يا
عم
صابر
صابر وعليكم
السلام
يا بنتي بقولك انا شوفت ليكي شقه جميله جدا وهتعجبك
ياسمين بفرحه بجد يا عم صابر فين
صابر في الهرم يا حبيبتي
ياسمين بخيبة أمل بس ياعم صابر أنا اسمع إن الشقق هناك إيجارها غالي
صابر لا يا حبيبتي الشقه دي ايجارها 300 جنيه في الشهر
ياسمين بعدم تصديق بجد يا عم صابر 300 جنيه
صابر آه والله يا حبيبتي صاحب البيت إللي قال كده ده كان عايز ياجرها وأنا لحقت قبل حد تآني ما يخدها وبعدين قال بتوتر بس بس
ياسمين بأستغراب وقلق بس إيه يا عم صابر هو في حاجه ولا ايه
صابر لحق نفسه لالا يا حبيبتي مفيش انت زعلان انك هتسبيني وتمشي
ياسمين ابتسمت متقلقش هبقي اجي اشوفك كل يوم
صابر ابتسم ماشي يا حبيبتي يلا اجهزى بقي علشان تيجي معايا تشوفيها
ياسمين بسرعه كده ياعم صابر
صابر آه يا حبيبتي علشان محدش تآني ياخدها يلا سلام بقي علشان تلحقي تجهزي وقفل
ياسمين بأستغراب وهي بتبص علي التليفون إللي اتقفل هو عم صابر عايز يخلص مني ولا إيه هو مستعجل ليه يلا هقوم البس علشان الحق اشوفها وقامت تلبس بعد شويه نزلت عند عم صابر وخدها وراحو يشوفو الشقه
بعد ساعه وصلو وقابلهم صاحب البيت وطلعو شافو الشقه طلعت لاقتها واسعه وجميله جدا وفيها حمام خصوصي وحمام ضيوف ريسبشن قطعتين وتلات اوض عجبتها جدا واستغربت ان دي إيجارها ٣ جنيه بس ده المفروض يبقي آكتر من كده بس مش هتتكلم علشان صاحب البيت مش يغلي عليها
صاحي البيت ها يا انسه عجبتك
ياسمين جميله مشالله هو في حد كان ساكن فيها اصلي مستحيل حد يسيب شقه بالجمال ده
صاحب البيت اتوتر هو عم صابر
صاحب البيت بتوتر كان حد ساكن فيها اه بس سابها وسافر عاش بره
ياسمين بصتله باقتناع شويه
صاحب البيت ها طيب نكتب العقد
ياسمين بأبتسامه نكتب علي بركه الله
وكتبو العقد والشقه كانت كامله من كله هي علي الفرش بس تآني يوم عم صابر جاب عربيات نقلو فيها عفش ياسمين وراحو الشقه الجديده وطلعة العفش وياسمين كانت
لما كل حاجه ليها من اوضه السطح خلصو طلوع