إسكريبت الخساره بقلم لؤه ابراهيم
إسكريبت الخساره بقلم لؤه ابراهيم
من بعد انهاردة تكون حست ان في بنت في حياتي ولو حتى مفيش بس حقيقي مش عايز ارجعلها
بصيلته بحنية فأبتسملي وقال
المهم مش عايزك تزعلي من الموقف بتاع النهاردة انا بعتزلك بجد
بس أنا مش قابلة اعتزارك غير بشرط
أي هو الشرط
في فرح مهم عندي بكرة عايزاك تكون معايا فيه هتمثل في إنك حبيبي
بتتكلمي جد
سكت لدقيقة وبصلي وقال
موافق
بجد
أه والله بجد
حسيت إن قلبي إطمن وقولت بسعادة
أنا بجد مش عارفة أشكرك ازاي!
ولا شكر ولا حاجة أنا كل الي يهمني اإنك تقبلي الإعتزار
مست موبيلي وانا بديهوله
اكتبلي رقمك ورن على نفسك وسجلني الفرح هيكون بكرة الساعة ٨ونص في كرنيش المعادي
ملهوش لزوم!
رد عليا برفض قاطع وقال
لا طبعا ملهوش لزوم ازاي هاجي اخدك من البيت ابعتيلي لوكيشن البيت و القاعة على الواتس انهاردة وانا همشي دلوقتي ونتقابل بكرة اتفقنا
اتفقنا
كان بيتحرك تجاه باب المكتب قبل ما أوقفة بصوتي وقولت
صحيح أنت أسمك إيه
قاسم أسمي قاسم يا لؤه
زي صوت ضحكته ما كان لسة بيتردد في ودني!
روحت على البيت بعد ما خلصت كل الشغل الي كان ورايا في الشركة
البيت كان هادي كلعادة
من ساعة وفاه بابا وماما والبيت فاضي وباهت بالشكل دا لما كانوا عايشين كنت بحس إن البيت فيه روح
دخلت خدت شاور ولبست بيچامة بيتي لونها روز عملت شعري قطتين لبست مريول المطبخ علشان احضرلي الغدا
خدت الصب الصغنون بتاعي فتحت السوند وأنا حاسة إن عايزة أسمع عايدة الأيوبي
عصفور طل من الشباك قالي يا نونو
خبيني عندك خبيني دخلك يا نونو
ماما دايما كانت بتقولي إن ليا نفس في الاكل عالي جدا وإني هكون ست بيت شطرة جدا
كنت قاعدة بعمل الأكل وبتحرك زي الفراشة إبتسمت وانا بفتكر بابا لما كان دايما يقول لؤه هي فراشة البيت
عملت حلة ورق عنب تجنن كل مرة بنبهر بأكلي كأني أول مرة أدوقة حمرت البانية وحضرت الاكل في الطبقين وصبيت كاس بيبسي
كنت قاعدة باكل وسمعت صوت المسدچ بتاعت الواتس
كانت منه قاسم
الراجل الوسيم الأسمر صاحب أجمل عيون عسلي شوفتها في حياتي
عايز الوكيشن بتاع البيت يا عسلية
عسلية!
أه عسلية
ضحكت بصوت عالي ورديت عليه
ماشي يا سيدي هبعتلك اللوكيشن
بعتله اللوكيشن وسيبت الفون من أيدي وقاعدت أشرب البسبسي واتأمل النجوم
هستناك بكرة تحت البيت الساعة ٧٣٠ إتفقنا
اتفقنا يا عسلية
لا معلش عسلية دي بتاعتي أنا
وأنا وانت ايه! مش واحد
الهزار أخدنا وفضلنا نتشات لغاية ما نمت وفي إيدي الموبيل
صحيت الصبح براحتي لأني معنديش شغل إنهاردة خدت شاور وحضرتلي الفطار والقهوة
وقعدت اخلص شوية شغل على اللاب توب
خلصت الشغل بعد ساعتين كنت لازم أقوم أجهز لان خلاص مش فاصل غير ساعة و قاسم يكون تحت بيتي
فستان أسود لغاية الركبة هيلز حمرا بتتربط على الرجل شنطة سودا عملت شعري ويفي وحطيت ميكب سيمبل أوي بس عملت رسمة أيلاينر جريئة
كنت ليدي جميلة كأني لوحة مرسومة حرفيا
ألو
انا تحت
