المتاهه مكتمله لجميع الفصول بقلمي فاطيما يوسف
ماجد منها وبص جوه عيونها وقال لها بحب و حنان
_باذن الله الصداع يومين وهيهدي ما تضغطيش انت بس على نفسك وبكره هتبقي كويسه وميه ميه وترجعي تنوري حياتنا تاني يا قلبي .
___________________________
استاذن خالد من شغله هو بيشتغل في العريش بيروح عشرين يوم في الشهر ويرجع العشر ايام الاخر يقضيهم مع مراته وابنه
وقاعد في القطر على اعصابه ومېت سيناريو وسيناريو عمالين يدوروا في دماغه
وفي نفس الوقت إللي هو راجع فيه كان راجع بردوا أخوها وأبوها من الصعيد في القطر بردوا
والقلق واكلهم علي بنتهم
ولكن يشاء القدر يحصل عطلة في القطر بسبب انقلاب قطر في مكان تاني وقفت السكة كلها
فده في طريقه وده في طريقه القلق زاد أكتر واكتر
فبيكلم ابوها مع ابنه وهو قاعد قلقان
_ طيب هنعمل ايه يابني الجطر وقف بينا في مكان مجطوع ولا هنعرف نتحرك من مكاننا.
رد عليه ابنه وقال له وهو بيضرب كف على كف
_ مش بايدينا حاجه يابوي أدي الله وأدي حكمته مضطرين نستني لحد مالفرج يجي من عند الله
وجه يتصل لقي إن الموبايل معډوم من الشبكة ومفيش شبكة خالص لحد مافقدوا الأمل
أما عند خالد في القطر بيحاول يتصل علي حماه يسأله وصل ولا لأ لقي موبايلاتهم غير متاحة والقلق زاد في قلبه وقعد يكلم نفسه وقال
_ معقولة يكون مراتي وابني جري لهم حاجة وقفلوا تليفوناتهم علشان ميقلقونيش !
يارب هونها عليا وابعت لي إشارة تطمني عليهم أنا تعبت ومبقتش عارف أعمل إيه وأنا بعيد عنهم وقدامي ساعات علشان أروح وأطمن عليهم .
وفضل علي حاله يكلم نفسه ودماغه تجيب يمين وشمال وشرق وغرب وآلاف الأفكار الحزينة تيجي في دماغه والقلق والتوتر بينهش فيه نهش .
أما في المستشفي قاعد ماجد مع الدكتور بيطلب منه وبيقول له
_ يعني يادكتور حالتها متسمحش إني أخد مراتي وأروح بيها وهجيب لها فريق ممرضين يتابعوا حالتها
رد عليه الدكتور وقال له بعملية
_ لسه مضطرين نبلغ عن الحاډثة إللي حصلت لها علشان يشوفوا مين إللي داسها بالعربية لان دي حاډثه وما ينفعش تدخل المستشفى وتخرج وما نبلغش بس كنا مستنيين انها تفوق علشان خاطر نبلغ .
_معلش يا دكتور بلاش تبلغ علشان خاطر هي تعبانه ومش حمل اسئله ولا ايه اللي حصل كفايه اللي هي فيه وكفايه اصلا فقدانها للذاكره اللي مخليها تعبانه نفسيا ولحد دلوقتي مش فاكراني اصلا .
هزه الدكتور راسه بموافقه ورد عليه
_تمام براحتك تقدر تاخدها عادي هي بقى لها خمس ايام اهي بس خلي بالك المستشفى هنا كانت هتراعيها اكتر بس طالما قلت هتجيب لها فريق ممرضين براحتك .
وخرج ماجد روح على اوضه احلام وهو فرحان وقال لها وهو ماسك ايديها
_خلاص يا حبيبتي الدكتور كتب لك على خروج هنلم حاجتنا ونروح على بيتنا وهناك ممكن تفتكري
وذاكرتك ترجع لك تاني .
ابتسمت احلام وطلبت منه
_انا عايزه لما اروح البيت تتصل على صاحبتي وتخليها تيجي تقعد معايا شويه لو سمحت يا ماجد .
ابتسم ماجد وقال لها وهو بيشاور علي عينيه
_ده انت تؤمريني يا قلبي من العين قبل العين دي .
وبدا يلم في حاجتها وخلصوا كل حاجه في اسرع وقت ونزل ركبها العربيه وروح على بيته
